De quoy vous sert cela? Fortune – Charles d’Orléans

De quoy vous sert cela? Fortune,
Voz propos sont, puis longs, puis cours,
Une foiz estes en decours,
L’autre plaine comme la lune;
On ne vous trouve jamais une,
Nouvelletez sont en voz cours.
De quoy, etc.
Voz propos, etc.

S’est vostre maniere commune;
Car, quant je vous requiers secours,
Vous fuyez, apres vous je cours,
Et pitié n’a en vous aucune.
De quoy, etc.