Ou millieu d’Espoir et de Doubte – Charles d’Orléans

Ou millieu d’Espoir et de Doubte,
Les cueurs se mussent plusieurs jours,
Pour regarder les divers tours
Dont Dangier souvent les deboute.
L’oreille je tens, et escoute
Savoir que, sur ce, dit Secours.
Ou millieu, etc.
Les cueurs, etc.

Eslongné de mondaine route
Me tiens, comme né en decours,
Entre les aveugles et sours,
Dieu y voye, je n’y voy goute.
Ou millieu, etc.