O tres devotes creatures – Charles d’Orléans

O tres devotes creatures,
En ypocrisies d’amours
Que vous querez d’estranges tours!
Pour venir à voz aventures.
Vous cuidez bien par voz paintures,
Faire sotz, aveugles et sours.
O tres devotes, etc.
En ypocrisies, etc.

On ne peut desservir deux cures,
Ne prendre gaiges en deux cours;
Prenez les champs, ou les faulbourgs,
Ilz sont de diverses natures.
O tres devotes, etc.