Maistre Estienne le Gout nominatif – Charles d’Orléans

Maistre Estienne le Gout nominatif,
Nouvellement, par maniere optative,
Si a voulu faire copulative;
Mais failli a en son cas genitif.
Il avait mis six ducatz en datif,
Pour mieulx avoir s’amie vocative.
Maistre, etc.
Nouvellement, etc.

Quant rencontré a un accusatif,
Qui sa robbe lui a fait ablative;
De fenestre assez superlative,
A fait ung sault portant coups en passif.
Maistre, etc.