Fortune, vray est vostre compte – Charles d’Orléans
Fortune, vray est vostre compte,
Que quant voz biens donné avez,
Vous les reprenez; mais, c’est honte,
Et don d’enfant, bien le savez;
Ainsi faire ne le devez.
Voz fais vous mectez à l’enchiere,
Chascun ce qu’il en peut, en a,
Et ne vous chault comment tout va,
Pour Dieu, changez vostre maniere[63].
Texte : Wikisource · domaine public · lien affilié
