Envoyez nous ung doulx regart – Charles d’Orléans

Envoyez nous ung doulx regart
Qui nous conduie jusqu’à Blois,
Nous le vous rendrons quelque fois,
Quoy que l’atente nous soit tart;
Puisqu’en emportez l’estandart
De la doulceur, que bien congnois.
Envoyez nous, etc.
Qui nous, etc.

Et pry Dieu que toutes vous gart,
Et vous doint bons jours, ans et mois,
A voz desirs, vouloirs et chois,
Acquictez vous de vostre part.
Envoyez nous, etc.