De mieulx en mieulx vous vueil servir – Christine de Pisan

De mieulx en mieulx vous vueil servir,
Ma dame, dont tout mon bien vient,
Pour vostre grace desservir.

Et pour moy du tout asservir
A vous, ainsi qu’il apertient,
De mieulx en mieulx vous vueil servir.

Mais ne me vueilliez desservir
De joye, se mon bien avient;
Car pour vo vouloir assouvir
De mieulx en mieulx vous vueil servir.