Au besoing congnoist on l’amy – Charles d’Orléans

Au besoing congnoist on l’amy
Qui loyaument aidier desire,
Pour vous je puis bien cecy dire,
Car vous, ne m’avez pas failly;
Mais avez, la vostre mercy,
Tant fait qu’il me doit suffire.
Au besoing, etc.
Qui loyaument, etc.

Bien brief pense partir de cy,
Pour m’en aler vers vous de tire;
Loisir n’ay pas de vous escrire,
Et pour ce, plus avant ne dy.
Au besoing, etc.