Vous estes paié pour ce jour – Charles d’Orléans
Vous estes paié pour ce jour,
Puis qu’avez eu ung doulx regart;
Devant ung ancien regnart,
Tost est apparceu ung tel tour;
Quant on a esté à sejour,
Ce sont les gaiges de musart.
Vous estes, etc.
Puis qu’avez, etc.
Il souffist pour vostre labour,
Et s’apres on vous sert de lart,
Prenez en gré, maistre coquart,
Ce n’est qu’un restraintif d’amour.
Vous estes, etc.
