VIII. rondel. – François Villon

Adieu vous dy la lerme à l’oeil;
Adieu, ma très gente mignonne,
Adieu, sur toutes la plus bonne,
Adieu vous dy, qui m’est grand dueil.

Adieu, adieu, m’amour, mon vueil;
Mon povre cueur vous laisse et donne.
Adieu vous dy la lerme à l’oeil.

Adieu, par qui du mal recueil
Mille fois plus que mot ne sonne;
Adieu, du monde la personne
Dont plus me loue et plus me dueil.
Adieu vous dy la lerme à l’oeil.