Ce mois de May, nompareille Princesse – Charles d’Orléans

Ce mois de May, nompareille Princesse,
Le seul plaisir de mon joyeulx espoir,
Mon cueur avez, et quanque puis avoir,
Ordonnez en comme dame et maistresse.
Pour ce, requier vostre doulce jeunesse
Qu’en gré vueille mon present recevoir.
Ce mois, etc.
Le seul, etc.

Et vous supply, pour me tollir tristesse,
Tres humblement, et de tout mon povoir,
Qu’à m’esmayer ayez vostre vouloir,
D’un reconfort bien garny de liesse.
Ce mois, etc.