VII. rondel. – François Villon

Tu te brusles à la chandelle!
Helas! mon cueur, ne vois tu pas
Que danger est tousjours au pas,
Qui fait à tous guerre mortelle?

Soyes seur que tu l’auras belle [P. 137]
Se tu n’y vas bien par compas;
Tu te brusles à la chandelle.

Sont-ce chastaignes qu’on y pelle,
A ton advis, pour ton repas?
Nennil. Retrais toy tout le pas,
Ains qu’on te frape au cul la pelle.
Tu te brusles à la chandelle.