Plaisant regard, mussez vous – Charles d’Orléans

Plaisant regard, mussez vous,
Ne vous monstrez plus en place,
Mon cueur craint vostre menace,
Dont mainteffoiz l’ay rescous;
Vostre actrait soubtil et doulx
Blesse sans qu’on lui mefface.
Plaisant, etc.
Ne vous, etc.

Se dictes: Je fais à tous
Ainsi, car je m’y solace;
A tort, sauve vostre grace,
Ne devez donner courrous.
Plaisant, etc.