Je ne sçay comment je dure – Christine de Pisan

Je ne sçay comment je dure;
Car mon dolent cuer font d’yre,
Et plaindre n’oze, ne dire
Ma doulereuse aventure,

Ma dolente vie obscure,
Riens, fors la mort, ne desire;
Je ne sçay comment je dure.

Et me fault par couverture
Chanter quant mon cuer souspire,
Et faire semblant de rire;
Mais Dieux scet ce que j’endure;
Je ne sçay comment je dure.