Jamais ne vestiray que noir – Christine de Pisan

Jamais ne vestiray que noir,
Puis que l’en m’a donné congié,
Et que du tout m’a estrangié
Ma dame qui me fist son hoir.

Plus n’entreray en son manoir,
Et pour le trés grant dueil que j’ay
Jamais ne vestiray que noir.

Si ne quier plus cy remanoir,
Durement y suis laidengié,
Trop s’est le temps vers moy changié,
Et pour plus en ce dueil manoir
Jamais ne vestiray que noir.