Des droiz de la porte Baudet – Charles d’Orléans

Des droiz de la porte Baudet,
Pour toute recompense et paine,
Tout au beau long de la sepmaine,
Suis servy comme ung grant cadet;
Si doulx ne sont que muscadet,
Rien n’en vault le fruit, ne la graine.
Des droiz, etc.
Pour toute, etc.

C’est bien joué du soubz coudet,
Puisqu’il le fault, ribon ribayne,
Endurer, comme à la quintayne,
On en deust servir Mistodet.
Des droiz, etc