Belle, se c’est vostre plaisir – Charles d’Orléans

Belle, se c’est vostre plaisir
De me vouloir tant enrichir
De reconfort et de liesse,
Je vous requier, comme maistresse,
Ne me laissiez dutout mourir;
Car je n’ay vouloir, ne desir,
Fors de vous loyaument servir,
Sans espargnier dueil, ne tristesse.
Belle, etc.
De me, etc.
De reconfort, etc.

Et s’il vous plaist à l’accomplir,
Vueilliez tant seulement bannir
D’avec vostre doulce jeunesse,
Dolent refus qui trop me blesse,
Dont bien vous me povez guerir,
Belle, etc.