Pourquoy moy, mains que nulluy – Charles d’Orléans

Pourquoy moy, mains que nulluy
Que je congnoisse aujourduy,
Auray je part en liesse,
Veu qu’ay despendu jeunesse
Longuement, en grant ennuy.
Doy je donc estre cellui
Qui ne trouvera en lui
Bon eur, qu’à peu de largesse.
Pourquoy moy, etc.

J’ay loyal désir suy,
A mon povoir, et fuy,
Tout ce qui à tort le blesse;
Désormais, en ma vieillesse,
Demourray je sans apuy?
Pourquoy moy, etc.