Ne m’en racontez plus, mes yeulx – Charles d’Orléans

Ne m’en racontez plus, mes yeulx,
De beaulté que vous prisez tant,
Car plus voys ou monde vivant,
Et moins me plaist, ainsi m’aist Dieux.
Trouver je ne me scay en lieux
Qu’il m’en chaille, ne tant ne quant.
Ne m’en, etc.
De beaulté, etc.

Qu’est ce cy? deviens je des vieulx?
Ouy certes, dorenavant,
J’ay fait mon Karesme prenant,
Et jeusne de tous plaisirs tieulx.
Ne m’en, etc.