Mon cueur, il me fault estre mestre – Charles d’Orléans

Mon cueur, il me fault estre mestre
A ma foiz, aussi bien que vous,
N’en ayez ennuy, ou courroux;
Certes il convient ainsi estre.
Trop longuement m’avez fait pestre,
Et toujours tenir au dessous.
Mon cueur, etc.
A ma foiz, etc.

Allez à dextre, ou à senestre,
Pris serez, sans estre rescous,
Passer vous fault, mon amy doulx,
Ou par là, ou par la fenestre.
Mon cueur, etc.