Des vieilles defferres d’Amours – Charles d’Orléans

Des vieilles defferres d’Amours,
Je suis à present, Dieu mercy;
Vieillesse me gouverne ainsi,
Qui m’a condempné en ses cours.
Je m’esbahis quant à rebours
Voy mon fait, disant: Qu’est ce cy?
Des vieilles, etc.
Je suis, etc.

Mon vieil temps convient qu’ait son cours,
Qui en tutelle me tient sy,
Du jaulier appellé Soussy,
Que rendu me tiens pour tousjours.
Des vieilles, etc.