Dédicaces – Joachim Du Bellay

par vn sentier inconneu à mes yeux
Vostre grandeur sur ses ailes me porte
Ou de Phebus la main scauantɇ & sorte
Guide le frein du chariot des cieulx.
La eleué au cercle radieux
Par vn Demon heureux, qui me conforte,
Celle fureur tant doulce i’en rapporte,
Dont vostre nom i’egallɇ aux plus haulx dieux.
O Vierge donc, sous qui la Viergɇ Astrée
A faict encor’ en nostre sieclɇ entrée !
Prenez en gré ces poëtiques fleurs.
Ce sont mes vers, que les chastes Carites
Ont emaillez de plus de cent couleurs
Pour aler voir la fleur des margverites.