De la regarder vous gardez – Charles d’Orléans

De la regarder vous gardez
La belle que sers ligement,
Car vous perdrez soudainement
Vostre cueur, se la regardez;
Se donner ne le lui voulez
Clignez les yeulx hastivement,
De la regarder, etc.
La belle que, etc.

Les biens que Dieu lui a donnez,
Emblent un cueur subtilement;
Sur ce, prenez avisement,
Quant devant elle vous vendrez.
De la regarder, etc.