« Comme nous vivrions tous en nostre premier pere » – Jean-Baptiste Chassignet

Comme nous vivrions tous en nostre premier pere
Si le vouloir de DEIU il n’eust point esbreché,
Nous mourons tous en luy depuis qu’il a peché,
Et vendus à la mort beuveons son vitupere.

Enfas d’ire conceus, au ventre de la mere
Du crime originel nostre esprit entasché
Ne pense rien de bon, si DIEU ne l’a touché
Qui par foy en son sang nos ames regenere

Asservi au peché le peché nous destruit,
Et le morceau glouton du dommageable fruit
Nous pend encore à tous à la bouche rebelle

Que si DIEU par la mort de son nouvel Adam
Ne nous rescussitoit, nouveau bourgeois d’Edem
D’ame & de cors seroit nostre cheute mortelle.