Comme monnoye descriée – Charles d’Orléans
Tableau : Éclipse, Gustav Kampmann, 1903
Comme monnoye descriée,
Amours ne tient compte de moy;
Jeunesse m’a laissé, pourquoy?
Je ne suis plus de sa livrée.
Puisque telle est ma destinée,
Desormais me fault tenir coy.
Comme, etc.
Amours, etc.
Plus ne prens plaisir, qu’en pensée
Du temps passé; car, sur ma foy,
Ne me chault du present que voy,
Car Vieillesse m’est delivrée.
Comme, etc.
Texte : Wikisource · domaine public · lien affilié
