Chiere contrefaicte de cueur – Charles d’Orléans

Chiere contrefaicte de cueur.
De vert perdu et tanne painte,
Musique notée par fainte,
Avecques faulx bourdon de maleur.
Qui est il ce nouveau chanteur?
Qui si mal vient à son actainte.
Chiere, etc.
De vert, etc.

Je ne tiens contre, ne teneur
Enroué, faisant faulte mainte,
Et mal entonné par contrainte,
C’est la chapelle de douleur.
Chiere, etc.