A! que vous m’anuyez, Vieillesse – Charles d’Orléans
A! que vous m’anuyez, Vieillesse!
Que me grevez plus que oncques mes,
Me voulez vous à tousjours mes
Tenir en courroux et rudesse;
Je vous fais loyalle promesse
Que ne vous aymeray james.
A! que vous, etc.
Que me, etc.
Vous m’avez banny de jeunesse,
Rendre me convient desormais,
Et faictes vous bien? Nennil, mais,
De tous maulx on vous tient maistresse.
A! que vous, etc.
