Yver, vous n’estes qu’un villain – Charles d’Orléans

Yver, vous n’estes qu’un villain,
Esté est plaisant et gentil,
En tesmoing de May et d’Avril,
Qui l’accompaignent soir et main.
Esté revest champs, bois et fleurs,
De sa livrée de verdure,
Et de maintes autres couleurs,
Par l’ordonnance de Nature.
Mais vous, Yver, trop estes plain
De neige, vent, pluye et grezil;
On vous deust bannir en exil,
Sans point flater, je parle plain.
Yver, etc.