Tel est le partement des yeulx – Charles d’Orléans

Tel est le partement des yeulx,
Quant congié prennent doulcement,
D’eulx retraire piteusement,
En regretz privez pour le mieulx.
Lors divers se dient adieux,
Esperans revenir briefment.
Tel est le, etc.
Quant, etc.

Et si laissent, en plusieurs lieux,
Des larmes par engagement
Pour paier leur deffrayement,
En gectant souspirs, Dieu scet quieulx.
Tel est le, etc.