Tant ay largement despendu – Charles d’Orléans

Tant ay largement despendu
Des biens d’amoureuse richesse,
Ou temps passé de ma jeunesse,
Que trop chier m’a esté rendu;
Car lors à rien je n’ay tendu,
Qu’à conquester foison lyesse.
Tant ay, etc.
Des biens, etc.

Commandé m’est, et deffendu
Desormais par Dame Vieillesse,
Qu’aux jeunes gens laisse prouesse,
Tout leur ay remis et vendu
Tant ay, etc.