Se vous voulez que tout vostre deviengne – Charles d’Orléans

Se vous voulez que tout vostre deviengne,
En me monstrant quelque joyeux semblant,
Dictes ce mot: Je vous tiens mon servant,
Servez si bien que contente m’en tiengne.
Devoir feray, comment qu’il m’en adviengne,
Tres loyaument, desoresenavant.
Se vous voulez, etc.
En me monstrant, etc.

Sans que mercy, ne grace me soustiengne,
S’en loyaulté je faulx, ne tant ne quant,
Punissez moy tout à vostre talant;
Et se bien sers, pour Dieu, vous en souviengne.
Se vous voulez, etc.