Sauves toutes bonnes raisons – Charles d’Orléans

Sauves toutes bonnes raisons,
Mieulx vault mentir, pour paix avoir,
Qu’estre batu, pour dire voir;
Pour ce, mon cueur, ainsi faisons.
Riens ne perdons, se nous taisons,
Et se jouons au plus savoir.
Sauves toutes, etc.
Mieulx vault, etc.

Parler boute feu en maisons,
Et destruit paix, ce riche avoir;
On aprent à taire et à veoir,
Selon les temps et les saisons.
Sauves toutes, etc.