Prenez tost ce baisier, mon cueur – Charles d’Orléans

Prenez tost ce baisier, mon cueur,
Que ma maistresse vous presente,
La belle, bonne, jeune et gente,
Par sa tres grant grace, et doulceur;
Bon guet feray, sus mon honneur,
Afin que Dangier riens n’en sente.
Prenez tost, etc.
Que ma, etc.

Dangier toute nuit en labeur
A fait guet, or gist en sa tente;
Accomplissez brief vostre entente
Tant dis qu’il dort, c’est le meilleur.
Prenez tost, etc.