Pandoræ nomen aptius fuisse faustinæ – Joachim Du Bellay

Qui tibi Faustinæ, mea lux, nomen dedit, is te
Dixisset Pandora aptius et melius.

Munera namque Deos in te omnia congessisse
Ostendunt dotes corporis atque animi.

Et tu etiam ex oculis, tanquam de pixide aperta,
Omnia depromis seu bona, sive mala.

At mihi te erepta, mi qua sine vivere durum est,
Spes, o me miserum, nulla mihi remanet.

XV