N’oubliez pas vostre maniere – Charles d’Orléans

N’oubliez pas vostre maniere,
Non ferez vous, je m’en fais fort,
Ennuy armé de desconfort,
Qui tousjours me tenez frontiere,
Venez combatre à la barriere,
Et faictes à coup vostre effort.
N’oubliez pas, etc.
Non ferez, etc.

Quant mectez sus vostre banniere,
Cueurs loyaux guerriez si fort,
Que les faictes retraire ou fort
De Douleurs, à piteuse chiere.
N’oubliez pas, etc.