Ne fais je bien ma besoingne – Charles d’Orléans

Ne fais je bien ma besoingne?
Quant mon fait cuide avancer,
Je suis à recommancer,
Et ne scay comment m’esloingne.
Fortune tousjours me groingne,
Et ne fait riens que tanser.
Ne fais je, etc.
Quant mon, etc.

Certes tant je la ressoingne,
Car mon temps fait despenser
Trop, en ennuyeux penser,
Dont en roingeant mon frain, froingne.
Ne fais je bien, etc.