Mon cueur, pour vous en garder – Charles d’Orléans

Mon cueur, pour vous en garder,
De mes yeux qui tant vous temptent,
Afin que devers vous n’entrent,
Faictes les portes fermer.
S’ilz vous viennent raporter
Nouvelles, pensez qu’ilz mentent.
Mon cueur, etc.
De mes, etc.

Mensonges scevent conter,
Et trop de plaisir se ventent,
Folz sont qui en eulx s’atendent,
Ne les vueillez escouter.
Mon cueur, etc.