Ma plus chier tenue richesse – Charles d’Orléans

Ma plus chier tenue richesse,
Ou parfont tresor de pensée,
Est soubz clef, seurement gardée,
Par Esperance ma Déesse.
Se vous me demandez et qu’esse?
N’enquerez plus, elle est mussée.
Ma plus, etc.
Ou parfont, etc.

Avecques elle, seul, sans presse,
Je m’esbas soir et matinée,
Ainsi passe temps et journée,
Au partir dy: Adieu maistresse.
Ma plus, etc.