Jeunes amoureux nouveaulx – Charles d’Orléans
Jeunes amoureux nouveaulx,
En la nouvelle saison,
Par les rues, sans raison,
Chevauchent faisans les saulx;
Et font saillir des carreaulx
Le feu, comme de charbon.
Jeunes, etc.
En la, etc.
Je ne scay se leurs travaulx
Ilz employent bien, ou non;
Mais piqués de l’esperon,
Sont autant que leurs chevaulx.
Jeunes, etc.
Texte : Wikisource · domaine public · lien affilié
