J’ayme qui m’ayme, autrement non – Charles d’Orléans

J’ayme qui m’ayme, autrement non;
Et non pourtant je ne hay rien,
Mais vouldroye que tout feust bien,
A l’ordonnance de raison.
Je parle trop, las! se faiz mon;
Au fort, en ce propos me tien.
J’aime qui, etc.
Et non pourtant, etc.

De pensées son chapperon
A brodé le povre cueur mien,
Tout droit de devers lui je vien,
Et m’a baillé ceste chancon.
J’aime, etc.