Il souffist bien que je le sache – Charles d’Orléans

Il souffist bien que je le sache,
Sans en enquerir plus avant;
Car se tout aloye disant,
On vous pourrait bien dire actache.
Nul de la langue ne m’arrache
Ce qu’en mon cueur je voys pensant.
Il souffist, etc.
Sans en, etc.

Ainsi qu’en blanc pert noire tache,
Vostre fait est si apparant,
Que m’y trouve trop congnoissant;
Qui est descouvert, mal se cache.
Il souffist, etc.