En vivant en bonne esperance – Charles d’Orléans
En vivant en bonne esperance,
Sans avoir desplaisance, ou dueil,
Vous aurez brief, à votre vueil,
Nouvelle plaine de plaisance.
De guerre n’avons plus doubtance,
Mais tousjours gracieulx acueil.
En vivant, etc.
Tous nouveaulx revendrons en France,
Et quant me reverrez à l’ueil,
Je suis tout autre que je sueil;
Au moins j’en fais la contenance.
En vivant, etc.
