En gibessant toute l’apres disnée – Charles d’Orléans
En gibessant toute l’apres disnée
Parmy les champs, pour me desanuyer,
N’a pas longtemps que faisoye l’autrier
Voler mon cueur apres mainte pensée;
La quilote souvenance nommée,
Sourdoit deduit, et savoit remerchier.
En gibessant, etc.
Parmy, etc.
Gibessiere de passe temps ouvrée,
Emplie toute d’assez plaisant gibier,
Et puis je peu mon cueur, au derrenier,
Sur ung faisant d’esperance celée.
En gibessant, etc.
