De leal cueur, content de joye – Charles d’Orléans
De leal cueur, content de joye,
Ma maistresse, mon seul desir,
Plus qu’oncques vous vueil servir,
En quelque place que je soye;
Tout prest en ce que je pourroye,
Pour vostre vouloir acomplir.
De leal, etc.
Ma maistresse, etc.
En desirant que je vous voye,
A vostre honneur, et mon plaisir
Qui seroit briefment, sans mentir,
S’il fust ce que souhaideroye.
De leal, etc.
