Cueur, que fais tu? revenge toy – Charles d’Orléans

Cueur, que fais tu? revenge toy
De Soussy et Merencolie;
C’est deshonneur et villenie,
De laschement se tenir coy.
Je tarderay, quant est à moy,
Voulentiers; or ne te fains mie.
Cueur, etc.
De Soussy, etc.

N’espergne riens, scez tu pourquoy?
Pour ce, qu’abrégeras ta vie,
Se les tiens en ta compaignie;
Desconfiz les, et prens leur foy.
Cueur, etc.