A tout bon compte revenir – Charles d’Orléans

A tout bon compte revenir
Convendra, qui qu’en rie, ou pleure,
Et ne scet on le jour, ne l’eure;
Souvent en devroit souvenir.
Prenez qu’on ait dueil, ou plaisir,
En brief temps, ou longue demeure,
A tout bon, etc.
Convendra, etc.

Las! on ne pense qu’à suyr
Le monde qui tousjours labeure;
Et quant on cuide qu’il sequeure,
Au plus grant besoing vient faillir,
A tout bon, etc.