Vostre esclave et serf, où que soye – Charles d’Orléans

Vostre esclave et serf, où que soye,
Qui trop ne vous puis mercier,
Quant vous a pleu de m’envoyer
Le don qu’ay receu à grant joye;
Tel que dy, et plus, se povoye,
Me trouverez à l’essayer.
Vostre esclave, etc.
Qui trop, etc.

Paine mectray que brief vous voye,
Et tost arez, sans delayer,
Chose qui est sus le mestier,
Qui vous plaira; plus n’en diroye.
Vostre esclave, etc.