Sont les oreilles estouppées – Charles d’Orléans

Sont les oreilles estouppées?
Rapportent ilz au cueur plus rien?
Ouyl, plustost le mal que bien,
Quant on ne les tient gouvernées.
Se leurs portes ne sont fermées,
Tout y court de va et de vien.
Sont les oreilles, etc.
Rapportent, etc.

Les miennes seront bien gardées
De Nonchaloir, que portier tien;
Dont se plaint et dit le cueur mien,
On ne me sert plus de pensées.
Sont les oreilles, etc.