Se mon propos vient à contraire – Charles d’Orléans

Se mon propos vient à contraire,
Certes, je l’ay bien desservy,
Car je congnois que j’ay failly
Envers ce que devoye plaire.
Mais j’espoire que debonnaire
Trouveray sa grace et mercy.
Se mon, etc.
Certes, etc.

Je vueil endurer et me taire,
Quant cause suy de mon soucy;
Las! je me sens en tel party
Que je ne scay que pourray faire.
Se mon, etc.