Se j’eusse ma part de tous biens – Charles d’Orléans
Tableau : Carn de la côte nord, John Piper, 1971
Se j’eusse ma part de tous biens,
Autant que j’ay de loyaulté,
J’en auroye si grant planté
Qu’il ne me fauldroit jamais riens.
Et si gaingneroye des miens,
Ma Dame, vostre voulenté.
Se j’eusse, etc.
Autant que, etc.
Car pour asseuré je me tiens
Que vostre tres plaisant beaulté,
De s’amour me feroit rente,
Maugré Dangier et tous les siens.
Se j’eusse, etc.
Texte : Wikisource · domaine public · lien affilié
